2018-07-19
Free Point夏季鉅獻:班衫設計攻略

岩岩放暑假既同學仔,玩多個幾月又要開始諗下做下學年班衫既設計啦喎!一講到設計,同學仔都好多Idea諗到,但又搞好耐都做唔到個草圖出黎?而又有好多設計唔知印唔印到係班衫?講講下連件衫係點質地都未定好?What the…點解咁多問題既!!

FreePoint既靚仔哥哥答你:唔洗驚!!我地寫呢個班衫攻略,就係想幫你地順順利利做到件班衫班tee俾同學仔!!繼續睇埋落去啦。。。

 

班衫有D咩質地咩種類?

 

Gildan/UA

印tee既公司通常都係用美國製既Gildan T恤又或者日本製既UA,兩者都係棉質,對於香港天氣黎都幾岩用黎做班tee。Gildan有兩種厚度既T恤,但都會比UA既薄身。而我地靚仔哥哥都會建議如果同學仔班會活動集中係9月至12月中的話,Gildan既T恤就最適合不過啦!而想係凍D既天氣用的話,則可考慮使用UA。


DryFit運動快乾料


如果係預左有勁多戶外活動都會著班衫既,可選擇透氣度高既DryFit料,有別於棉質T恤,DryFit會更透氣更舒爽,若果用於陸運會呢D曝曬場合,分別更明顯!而我地DryFit仲有經濟版,岩哂好多Budget有限既同學仔選用。


熱昇華T恤質料


其實同DryFit質料極為相似,分別可能在於熱昇華質料可以用於更大自由度既班衫設計中,例如你想將班衫設計到底色係迷彩咁花呢花碌,就一定要用熱昇華啦!

 

咁件班T可以點設計呢?

 


顏色
靚仔哥哥我留意到近年韓國興D咩色,班衫就興D咩色,前年一面倒興藍色,而上年就極之興淺粉紅色。我都想知今年會興D咩色。不過呢,哥哥根據做左多年班衫經驗,都可以俾D建議你地既,呢幾年寶藍色都幾多人選擇,事關呢隻色永遠都唔會係最in,但同時又會係最out,襯色搭配又容易,同學仔設計Tee時不妨諗諗呢隻色。

印刷

Logo通常就以絲印為最普遍,如果標誌係無漸變色,而又可以係1至8種顏色內搞掂既,絲印就最合適啦!而如果個Logo好複雜又多色既,我地就比較建議用數碼熨印黎印tee啦。
而大家想件衫更家獨特,同學仔可以諗下加入人名號碼,而人名號碼印刷都係可以用絲印同數碼熨印去完成。

另外我地仲有D比較特別既印刷,如閃金或鐳射熨印。

熱昇華印刷

呢一種印刷近期漸漸流行,優點係全件打印,即使設計係遍佈全件衫,又花呢花碌,就要用熱昇華啦!好處除左係設計更自主外,仲相當耐用,事關呢種方法係以顏料滲於衣服外層,並非外加膠質物料印刷。